هـــى: مكانش ف نظرى غير الولد الغلس اللى بخبي منه اللعب بتاعتى اول ما يجى عشان مايكسرهاش او يبوظهالى !

هـــى: مكانش ف نظرى غير الولد الغلس
اللى بخبي منه اللعب بتاعتى اول ما يجى عشان مايكسرهاش او يبوظهالى !!
❤❤
مكانش ف نظرى غير الولد الشقي
اللي بيبهدلى الاوضة بتاعتى وما يسيبش حتة فيها الا اما يعمل فيها كارثة !!
❤❤
اليوم اللى كنت اعرف انه جاى عندنا
اجرى اخبي لعبي ف كرتونة وانزلها تحت السرير عشان ما يشوفهاش !!
❤❤❤❤❤❤
هـــــو: بما انى وانا صغير كنت مدمر وأى حاجة تقع تحت ايدى تبقي ف عداد الروبابيكيا ^_^
كانت أوضتها مدينة الملاهى بتاعتى ..
كلها العااااب وكلها جديدة ومفيهاش خدش لانها بتحافظ عليهم اوى ..
امممم هاه يا ترى هابوظ كام اللعبة النهاردة ؟؟ ^_*
كنت بحس انى عايز احقق رقم قياسي ف التدمير ^_^
❤❤
كنت بستمتع وانا بمارس الشر وبخرب كل حتة ف اوضتها
وهى مش عارفة تتخلص منى ازاى ؟؟:))
❤❤
اليوم اللى كنا بنروح عندهم فيه كنت بتعمد انى اجيب الكورة تحت السرير
لأنى عارف انها مخبية اللعب منى ف الكرتونة ..
قال يعنى مش هعرف اشوفهم !! :D :D
❤❤
كان فى بصة منها كدة وانا بطلع الكرتونة دى مليانة غضب وغيظ
وفاكر انها ف مرة قعدت تعيط :D :P
❤❤❤❤❤❤
هــــــى: كنت دايما بعيط لماما وبابا
بلاش تخلوا عمو وطنط دول يجوا عندنا ..وهما يقولولى عيب ي بنت خليكى ذوق !!
كنت عايزة اقولهم طب ما تخلوا ابنهم يبقى عنده شوية منه ويبطل يرخم عليا ^_^
❤❤
كان بيغظنى اوى اما بيسوق العجلة بتاعته وما يرضاش يخلينى اركبها وآخد لفة !!
وكان حاطط فيها شرايط ملونة جميلة اوى وكانت عاجبانى ^_^
بس الحمدلله قطعها بما انه من المخربين ف الارض :D
❤❤
كل مرة ببقي عايزة اضرب نفسي 100 قلم ^_^
لان كل مرة بخبي اللعب ف نفس المكان !!
وكل مرة بتتشاف وبتتاخد ويتلعب بيها قدامى وانا مفروووسة ^_^
❤❤❤❤❤❤
هــــــو: مكنتش اتخيل ان البنت ال كنت باخد لعبها وحاجاتها وبغلس عليها
هاخـــــــد قلبهــــــا كمــــــــان في يوم من الايــام
وهتكون نصي التــــــــانى والحد ال هيشيل اسمى وافتخر بيه :)
وتبقى هى الحد اللى ممكن احارب عشانه ومايهمنيش :)
❤❤❤❤❤❤
هـــى:برغم انى مكنتش بطيقه واحنا صغيرين
بس مش متخيلة ان دلوقتى اسمه ف دبلة ف ايدى اليمين
وكلها فترة صغيرة اوى وهتكون ف الشمال
ويجمعنا بيت وأسرة وعيال :)
وهيبقي هو الحد اللى اتسند عليه وافضفضله
واستخبي فى قلبه والاقي الدفا
حتى ولو ان الدنيا بــــــرد :)
❤❤❤❤❤❤
هــــــو :اللهم اجعلنى زوجآ صالحآ لها
هــــى: اللهم اجعلنى زوجة صالحة له
:)
عر
ayman