مرثية للعمر الجميل قصيدة لحجازى فى رثاء الزعيم عبدالناصر

 

الشاعر أحمد عبد المعطى حجازى

 

الله يجازيك يا عم عبد الناصر .. قصيدة عبد الرجمن الأبنودى فى ذكرى يوليو

 

 

الشاعر الكبير عبد الرحمن الأبنودى

 

الليل مليّل
والألم عاصر
لسه اللى بيبيع أمته كسبان
وكل يوم
أطلع أنا الخاسر
أما أنت خميت مصر دى خمة
يوم ما ناديت بالعشق للأمة
ورطتنا نعشق خريطة عبيطة
وبشر ما نعرفهاش
وبلاد.. ما بنزورهاش
إلا.. فواعلية وبنايين وسواقين
وخدامين.. وطباخين.. وكناسين
بلاد أسافرها سعيد
أرجع حزين

حبيتها زى ما قلت لي.. وأكتر
ع الأجنبى ما استكترتش.. عليا تستكتر
ع الأجنبى ما اتنقورتْش عليا تتنقور.
تطمع فى دمعي
وف تعاسة راتبي.
مُلهم أنا.. وأعمل غبى
وأدى الألم يا عم عبد الناصر
زاحف وبيحاصر
وآدى الجميع خاسر
وآدى فجر أمتنا الجميل مغلوب
وآدى انتحار الأمة بالمقلوب
وأنا… غريب الدار..
لابسنى توب العار
ساكن فى وطنى بالإيجار
قاعد أنا ع الجسر فى القيَّالة
من قلب اللهيب مِنشالة
وقلبى.. ساقية حزن سَيالة
باغنى..

ما أعرف مغنى وألاّ عديد
زى افتكار الميتين.. فى العيد.
باعانى وحدانى
شياطينى لابسانى
والأمة قدامى.. مفارقانى
يا رب…
ما تحببنى فى الناس الملاح تانى
يا رب
ما ترجعنى أعشق
ضحكة إخوانى
يا رب
كرهنى فى أوطانى

ما أخيبك أمَّة
ما أتعسك أمة
لا عقل… ولا همة…
لا مصدقه فعلك
ولا تحفظى كلمة.
أمة.. تدور وتلف..
تقيلة.. مش حتخف
حماسية… وحماسها
بكتيرُه ساعة.. يجف.
أمة بتتخابِط
أمة بتتعابط
أمة ومالهاش
لا زابط ولا رابط
ولا كبير عيلة
ولا قرابةْ دم
وفكرة وهمية
ما تورث إلاّ الهمّ…
ما تحل عنى يا عم..
إحنا ورثنا كلام
إحنا تاريخنا كلام
علشان كده لما تقول..
على طول أقول:
وبكام؟؟
ما هو حب؟؟ دبرنى
وتاريخ؟.. فكرنى
وطريق؟.. نورنى
ومصير؟.. بصرنى
ده انا بقيت عربى
من قبل ما ألقى
اللى يمصرني.
أنا انتمائى لأمتى…
ممسخرنى.
محسوبة فى الأحزان على
فى الفرح تنكرنى
ياللى إنتى لا أمة
ولا أنتى أم..
فيه أم
ما تعرفش ساعة الألم..
تضم؟..

قد ما ننورها
هيه مضلمة
قد ما نعلمها..
مش متعلمة.
كل ليلة بايتة مظلومة
وهيه الظالمة!!
آخرة السكك الوعار
مجد.. متلطخ.. بعار.
قد ما نحجمها…
تفلت م الإطار!!
السلاح من صنع بره
والكلام من صنع بره
المآكل
الملابس
والهوا البارد فى بيتى..
صنع بره.
لا نسجْت الهدمة..
لا زرعْت.. ولا اكتفيت
شفتها.. جريت اشتريت.
جلاّبيتى.. عمامتى.. سجادتى
وحواديت الصغار
والحلاوة: حلوة.. مرة
شغل بره.
إيه يهم
إن مت من أجل البشر
ولا سبت الديب يصرَّخ
واتغابيت؟…
أو نسيتها؟ أو اتناسيت؟؟..
الشهادة مجانية…
والبطولات…
نفحات استعراضية
والليل مليّل
والألم… عاصر
لسه اللى بيبيع أمته
كسبان..
وكل يوم..
أطلع أنا الخاسر…
الله يجازيك
يا عم عبد الناصر

زيارة إلى ضريح عبد الناصر .. قصيدة نجم فى رثاء عبد الناصر

 

الشاعر أحمد فؤاد نجم

 

السكه مفروشه تيجان الفل والنرجس
والقبه صهوة فرس عليها الخضر بيبرجس
والمشربيه عرايس بتبكى والبكى مشروع

من دا اللى نايم وساكت
و السكات مسموع
سيدنا الحسين؟
ولا صلاح الدين ولا النبى
ولا الإمام؟
دستور يا حراس المقام ولا الكلام بالشكل دا ممنوع؟
على العموم
أنا مش ضليع فى علوم الانضباط

أبويا كان مسلم صحيح
وكان غبى
وكان يصلى ع النبى
عند الغضب والانبساط

أبويا كان فلاح تعيس
فى ليله ضلمه خلفوه
وف خرقه سودا لفلفوه
وف عيشه غبرا
طلعوه
وعشه مايله سكنوه
ولصموه
وطلسموه
ودجنوه
وجهزوه
وجوزوه على عماه
فكان محير فى هواه ما بين أمى والجاموسة
وكان يخاف يقتل ناموسه
وكان خجول خجول
خجول
وكان دايما يقول استغفر الله العظيم من باب الاحتياط

أبويا طلعتوه حمار فكان طبيعى يجيبنى جحش
لا أعرف نبى من أجنبى
ولا مين ما جاش ولا مين ما رحش
موسى نبى
عيسى نبى
كمان محمد كان نبى
ويا قلبى صلى ع النبى
وكلنا نحب النبى
وكل وقت وله أدان
وكل عصر وله نبى

وإحنا نبينا كده
من ضلعنا نابت
لا من سماهم وقع
ولا من مرا شابت
ولا انخسف له القمر
ولا النجوم غابت
أبوه صعيدى وفهم قام طلعه ظابط
ظبط على قدنا وع المزاج ظابط
فاجومى من جنسنا
ما لوش مرا عابت
فلاح قليل الحيا
إذا الكلاب سابت
ولا يطاطيش للعدا
مهما السهام صابت
عمل حاجات معجزة وحاجات كتير خابت
وعاش ومات وسطنا
على طبعنا ثابت
وان كان جرح قلبنا كل الجراح طابت
ولا يطولوه العدا
مهما الأمور
جابت

تــــذكر دائما ثـــــلاث : ___________________ ◄ تحب ◄ تضحي ◄ تسامح

تــــذكر دائما ثـــــلاث : ___________________ ◄ تحب ◄ تضحي ◄ تسامح
وانتبــــه من ثــــــلاث : ______________________ ◄ تجرح ◄ تخدع ◄ تخون
ولا تعيـش مع ثـــلاث :______________________ ◄ متكبر ◄ جاهل ◄ خائن
واعطي الناس ثــلاث :________________ ◄ المحبة ◄ الوفاء ◄ الكلمه الطيبة
وعندما تحب شخص ابحث فيه عن ثلاث :____ ◄ الأمـانة ◄ الصدق ◄ الإخلاص
Sent from my BlackBerry® from Vodafone

قصيدة أبو البقاء الرندي في رثاء الأندلس

لكل شيءٍ إذا ما تم نقصانُ
فلا يُغرُّ بطيب العيش إنسانُ
هي الأيامُ كما شاهدتها دُولٌ
مَن سَرَّهُ زَمنٌ ساءَتهُ أزمانُ
وهذه الدار لا تُبقي على أحد
ولا يدوم على حالٍ لها شان
يُمزق الدهر حتمًا كل سابغةٍ
إذا نبت مشْرفيّاتٌ وخُرصانُ
وينتضي كلّ سيف للفناء
ولوْ كان ابنَ ذي يزَن والغمدَ غُمدان
أين الملوك ذَوو التيجان من يمنٍ
وأين منهم أكاليلٌ وتيجانُ ؟
وأين ما شاده شدَّادُ في إرمٍ
وأين ما ساسه في الفرس ساسانُ ؟
وأين ما حازه قارون من ذهب
وأين عادٌ وشدادٌ وقحطانُ ؟
أتى على الكُل أمر لا مَرد له
حتى قَضَوا فكأن القوم ما كانوا
وصار ما كان من مُلك ومن مَلِك
كما حكى عن خيال الطّيفِ وسْنانُ
دارَ الزّمانُ على (دارا) وقاتِلِه
وأمَّ كسرى فما آواه إيوانُ
كأنما الصَّعب لم يسْهُل له سببُ
يومًا ولا مَلكَ الدُنيا سُليمانُ
فجائعُ الدهر أنواعٌ مُنوَّعة
وللزمان مسرّاتٌ وأحزانُ
وللحوادث سُلوان يسهلها
وما لما حلّ بالإسلام سُلوانُ
دهى الجزيرة أمرٌ لا عزاءَ له
هوى له أُحدٌ وانهدْ ثهلانُ
أصابها العينُ في الإسلام فامتحنتْ
حتى خَلت منه أقطارٌ وبُلدانُ
فاسأل (بلنسيةً) ما شأنُ (مُرسيةً)
وأينَ (شاطبةٌ) أمْ أينَ (جَيَّانُ)
وأين (قُرطبة)ٌ دارُ العلوم فكم
من عالمٍ قد سما فيها له شانُ
وأين (حْمص)ُ وما تحويه من نزهٍ
ونهرهُا العَذبُ فياضٌ وملآنُ
قواعدٌ كنَّ أركانَ البلاد فما
عسى البقاءُ إذا لم تبقَ أركانُ
تبكي الحنيفيةَ البيضاءُ من أسفٍ
كما بكى لفراق الإلفِ هيمانُ
على ديار من الإسلام خالية
قد أقفرت ولها بالكفر عُمرانُ
حيث المساجد قد صارت كنائسَ
ما فيهنَّ إلا نواقيسٌ وصُلبانُ
حتى المحاريبُ تبكي وهي جامدةٌ
حتى المنابرُ ترثي وهي عيدانُ
يا غافلاً وله في الدهرِ موعظةٌ
إن كنت في سِنَةٍ فالدهرُ يقظانُ
وماشيًا مرحًا يلهيه موطنهُ
أبعد حمصٍ تَغرُّ المرءَ أوطانُ ؟
تلك المصيبةُ أنستْ ما تقدمها
وما لها مع طولَ الدهرِ نسيانُ
يا راكبين عتاق الخيلِ ضامرةً
كأنها في مجال السبقِ عقبانُ
وحاملين سيُوفَ الهندِ مرهفةُ
كأنها في ظلام النقع نيرانُ
وراتعين وراء البحر في دعةٍ
لهم بأوطانهم عزٌّ وسلطانُ
أعندكم نبأ من أهل أندلسٍ
فقد سرى بحديثِ القومِ رُكبانُ ؟
كم يستغيث بنا المستضعفون وهم
قتلى وأسرى فما يهتز إنسان ؟
ماذا التقاُطع في الإسلام بينكمُ
وأنتمْ يا عبادَ الله إخوانُ ؟
ألا نفوسٌ أبياتٌ لها هممٌ
أما على الخيرِ أنصارٌ وأعوانُ
يا من لذلةِ قومٍ بعدَ عزِّهمُ
أحال حالهمْ جورُ وطُغيانُ
بالأمس كانوا ملوكًا في منازلهم
واليومَ هم في بلاد الكفرِّ عُبدانُ
فلو تراهم حيارى لا دليل لهمْ
عليهمُ من ثيابِ الذلِ ألوانُ
ولو رأيتَ بكاهُم عندَ بيعهمُ
لهالكَ الأمرُ واستهوتكَ أحزانُ
يا ربَّ أمّ وطفلٍ حيلَ بينهما
كما تفرقَ أرواحٌ وأبدانُ
وطفلةً مثل حسنِ الشمسِ إذ طلعت
كأنما هي ياقوتٌ ومرجانُ
يقودُها العلجُ للمكروه مكرهةً
والعينُ باكيةُ والقلبُ حيرانُ
لمثل هذا يذوب القلبُ من كمدٍ

إن كان في القلبِ إسلامٌ
وإيمانُ

لا اعرف معنى الحب ما هو الحب هل حب الرجل للفتاة

لا اعرف معنى الحب ما هو الحب هل حب الرجل للفتاة هو الحب لا اعتقد ذلك انما هو احترام وعشرة اذا ما هو الحب فكرت مليا وتهت في التفكير وذهبت وجربت فما احسست بمتعة ان تتعلق بانسان فالانسان سريع النسيان والغدر والكرة وربما باعك بعد طول حب احسسته فتحول الحب للكرة فلا يعقل ان يكون الحب متحول هو فعلا متحول لان المشاعر تتحول ومن تتعلق به يتحول اذا لابد للحب ان يتعلق بشئ ثابت لايطرا علية تغير وتحول فبحثت وفكرت فما وجدت غير الله هو الجدير بالحب والتعلق فهو حب ثابت لا يفتر ويزيد مع الطاعة فالله لا ينسىى المحبين ويزيدهم راحة وحبا فاللهم ارزقني حبك وحب من يحبك وحب عمل يقربني الى حبك

رسالة عبدالرحمن الابنودي الي شعب مصر بتاريخ 2 يونيو ((((انزل لاخواتك في الميدان ))))

رسالة عبدالرحمن الابنودي
الي شعب مصر بتاريخ 2 يونيو
((((انزل لاخواتك في الميدان ))))
ــــــــــــــــــــــــ
انزل لاخواتك في الميدان
كلاب الشر نهشوا لحم اخوك
عروا اختك
والدور علي امك وابوك
وانت رغم دا كله ساكت
مصر لو مسكوها دول
تبقي ماتت
======
مصر دعوه طيبه والانبياء بتقول امين
مصر مش للكدابين مصر يوسف والحسين

رغم جب السجن فيها وبحر دم
بس لسه في بطنها للغد حلم
ولا عمرها بتقبل بظلم

مهما حاولوا يغيبوها ويقتلوها
مهما حاولوا يشوهوها
بالفتن المجهده
مهما حاولوا العذرا عاشقه السيده

وابقي دور عن وطن يا اللي عاوز تستقر
لو صحيح عاوز بلادك تبقي حره استمر
وانت هتكون التمن
هو دا سعر الوطن
والكلام للي ثائر مش جبان
انزل لاخواتك في الميدان

==============

جوه الميدان لون القلوب ابيض كما لون الحمام
رمز السلام
وابقي قولي يا اللي بتساوم علي ابنك وعرضك
لونك ايه؟؟؟
يا اللي بتدوقنا من حنضل سكاتك
ووصفتنا باسوء صفاتك
لونك ايه؟؟؟
ما انت دوقت عذاب سنين
ليه تبقي خنجر في قلوب الطيبين
وترجع الخوف اللي كان
انزل لاخواتك في الميدان
===============

وانت يا ثائر بلادي
ياللي عاوز تبقي مهر امان ولادي
وللاسف بيشوهوك
ايوه باسم الدين بعوك
هونت وف نفس الميدان سلموك
وفي طريقهم للكراسي خونوك
وبيدبحوك

وانت رغم دا كله بتكمل طريقك
قدرك يكون الموت صديقك

واللي خلق الخلق شايف
ملكهم زايل وزايف
يكفي انه لسه خايف
وانت قلبك فيه امان
انزل لاخواتك في الميدان
===============

انزل وسلم ع العيال الشقيانين
البردانين علشان في عز البرد
نبقي دافيانين
انزل وحقق حلم ابوك
دا اللي بيضحي اخوك
حط ايدك فوق كتافه واساله
انت ليه دايما حزين
واوعي تسمع للي خان
انزل لاخواتك في الميدان

الخال عبد الرحمن الابنودي